သီတဂူဆရာတော်ကြီးက သီပေါသီတဂူစက္ခုဒါနဆေးရုံအတွက် ငွေကျပ်သိန်း ၇၂၀ တန်ဖိုးရှိ မျက်စိရေချိန်တိုင်းစက် လှူဒါန်း

ရှမ်းပြည်နယ် (မြောက်ပိုင်း)၊ သီပေါမြို့ရှိ သီပေါသီတဂူစက္ခုဒါနဆေးရုံ၌ အသုံးပြုနိုင်ရန်အတွက် သီတဂူဆရာတော်ကြီးက ငွေကျပ်သိန်း ၇၂၀ တန်ဖိုးရှိ မျက်စိရေချိန်တိုင်းစက် ၁ လုံးကို ဇွန်လ ၁၂ ရက်တွင် လှူဒါန်းခဲ့ကြောင်း သိရသည်။ ထို့ပြင် ရန်ကုန်မြို့ရှိ သီတဂူစက္ခုဒါနဆေးရုံ၏ (၁၈) ကြိမ်မြောက် မျက်စိအလှူတွင်လည်း မျက်စိဝေဒနာရှင် ၁,၂၅၀ ဦးအား အခမဲ့စမ်းသပ်စစ်ဆေးပေးခဲ့ပြီး ခွဲစိတ်ကုသရန် လိုအပ်သူများကိုလည်း အခမဲ့ ဆက်လက်ခွဲစိတ်ကုသပေးလျက်ရှိကြောင်း သိရသည်။