မြန်မာ့ဘောလုံးလောက၏ အနာဂတ်မျိုး ဆက်သစ် ကျောင်းသား၊ ကျောင်းသူများကို မြေတောင်မြှောက်ပေးမည့် FIFA Football for Schools အစီအစဉ် မိတ်ဆက်ခြင်းနှင့် ဘောလုံးလွှဲပြောင်းပေးအပ်ပွဲ အခမ်းအနားများကို နေပြည်တော်၊ ပဲခူးတိုင်းနှင့် ရန်ကုန်တိုင်းဒေသကြီးတို့တွင် ကျင်းပခဲ့ကြောင်း သိရသည်။
အဆိုပါ အစီအစဉ်အရ နေပြည်တော် ပြည်ထောင်စုနယ်မြေ အပါအဝင် တိုင်းဒေသကြီး ၂ ခုရှိ အခြေခံပညာကျောင်းများအတွက် FIFA က လှူဒါန်းသည့် Adidas Size-4 ဘောလုံးအလုံးရေ ၁၁,၀ ၀၀ ကျော်ကို သက်ဆိုင်ရာ ပညာရေးမှူးရုံးများနှင့် ကျောင်းတာဝန်ရှိသူများထံ လွှဲပြောင်းပေးအပ်ခဲ့ခြင်း ဖြစ်သည်။နေပြည်တော် အခမ်းအနားကို ဇဗ္ဗူသီရိမြို့နယ်၊ အထက (၆) အားကစားကွင်း၌ ကျင်းပခဲ့ကာ ဘောလုံး(၈၉၃)လုံးကို လွှဲပြောင်းပေးအပ်ခဲ့ကြောင်း သိရသည်။
