သစ်တောသယံဇာတ ပတ်ဝန်းကျင်ဖွံ့ဖြိုးတိုးတက်ရေးနှင့် ထိန်းသိမ်းရေးအသင်း (FREDA) မှ ကြီးမှူး၍ "ပထမအကြိမ်မြောက် ငှက်ကြည့်ခြင်းသင်တန်း" ကို ဇွန်လ ၂၇ ရက်တွင် စတင်ဖွင့်လှစ်မည်

သစ်တောသယံဇာတ ပတ်ဝန်းကျင်ဖွံ့ဖြိုးတိုးတက်ရေးနှင့် ထိန်းသိမ်းရေးအသင်း (FREDA) မှ ငှက်ဝါသနာရှင်များနှင့် သဘာဝပတ်ဝန်းကျင် ချစ်မြတ်နိုးသူများအတွက် ရည်ရွယ်၍ "ပထမအကြိမ်မြောက် ငှက်ကြည့်ခြင်းသင်တန်း (Bird Watching Course)" ကို ဇွန်လ ၂၇ ရက်နေ့မှစတင်ကာ ဖွင့်လှစ်သွားမည်ဖြစ်သည်။ အဆိုပါသင်တန်းတွင် FREDA အသင်းမှ ဝါရင့်ပညာရှင် ဒေါက်တာသိန်းအောင်က သင်ကြားပို့ချပေးမည်ဖြစ်ပြီး စာတွေ့သင်ခန်းစာများကို ဇွန်လ ၂၇၊ ၂၈ ရက်နှင့် ဇူလိုင်လ ၄၊ ၅ ရက် (စနေ၊ တနင်္ဂနွေနေ့များ) တွင် ညနေ ၇ နာရီမှ ည ၉ နာရီအထိ Zoom Online စနစ်ဖြင့် သင်ကြားပေးမည်ဖြစ်ကာ လက်တွေ့ကွင်းဆင်းလေ့လာခြင်း (Field Trip) ခရီးစဉ်များကိုလည်း ထည့်သွင်းစီစဉ်ထားကြောင်း သိရသည်။