လာအို ဒု-ဝန်ကြီးချုပ်နှင့် နိုင်ငံခြားရေးဝန်ကြီး ၃ ရက်ကြာ တရားဝင်ခရီးစဉ်အဖြစ် နေပြည်တော်သို့ ရောက်ရှိ

နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေ၏ ဖိတ်ကြားချက်အရ လာအိုနိုင်ငံ ဒု-ဝန်ကြီးချုပ်နှင့် နိုင်ငံခြားရေးဝန်ကြီး မစ္စတာ ထောင်ဆာဗန် ဖုန်ဗီဟေး ဦးဆောင်သည့် ကိုယ်စားလှယ်အဖွဲ့သည် ဇွန်လ ၁၁ ရက်မှ ၁၃ ရက်အထိ ၃ ရက်ကြာ တရားဝင်ခရီးစဉ်အဖြစ် ဇွန်လ ၁၁ ရက်နံနက်ပိုင်းတွင် နေပြည်တော်သို့ ရောက်ရှိလာကြောင်း သိရသည်။ အဆိုပါ လာအိုဒု-ဝန်ကြီးချုပ်နှင့်အဖွဲ့အား နေပြည်တော်အပြည်ပြည်ဆိုင်ရာလေဆိပ်တွင် နိုင်ငံခြားရေးဝန်ကြီးဌာန ဒု-ဝန်ကြီး ဦးကိုကိုကျော်နှင့် တာဝန်ရှိသူများက ကြိုဆိုခဲ့ကြကြောင်း နိုင်ငံခြားရေးဝန်ကြီးဌာန၏ ထုတ်ပြန်ချက်အရ သိရသည်။