မြန်မာအမျိုးသမီးလိဂ် ၂၀၂၆-၂၇ ရာသီကို နှစ်ကျော့စနစ်ဖြင့် ပွဲစဉ်ပေါင်း (၉၀) ဖြင့်ကျင်းပမည်၊ ပထမအကျော့ ပွဲစဉ်ဇယား ယနေ့ ထုတ်ပြန်

မြန်မာနိုင်ငံဘောလုံးအဖွဲ့ချုပ်နှင့် မြန်မာနေရှင်နယ်လိဂ်ကော်မတီတို့က ကြီးမှူးကျင်းပမည့် Myanmar Women's League 2026-27 ဘောလုံးရာသီအ တွက် ပထမအကျော့ ပွဲစဉ်ဇယားကို ယနေ့တွင် တရားဝင် ထုတ်ပြန်ကြေညာလိုက်သည်။ယခုနှစ် ဘောလုံးရာသီကို နှစ်ကျော့စနစ်ဖြင့် ကျင်းပသွားမည်ဖြစ်ပြီး တစ်ရာသီလုံးတွင် ပွဲစဉ်စုစုပေါင်း (၉၀) ပါဝင်မည် ဖြစ်ဖြစ်ကြောင်း ယနေ့တွင် မြန်မာနေရှင်နယ်လိဂ်ကော်မတီက အသိပေးထားသည်။

ပြိုင်ပွဲကာလကို ၂၀၂၆ ခုနှစ် ဇွန်လ (၁၅) ရက်နေ့မှ ၂၀၂၇ ခုနှစ် ဇန်နဝါရီလ (၃၀) ရက်နေ့အထိ (၈) လကြာ သတ်မှတ်ထားပြီး ကလပ်အသင်းသစ် (၂) သင်းဖြစ်သည့် ရတနာပုံအက်ဖ်စီနှင့် ဇွဲကပင်ယူနိုက်တက်အက်ဖ်စီတို့ အပါအဝင် စုစု ပေါင်း ကလပ်အသင်း (၁၀) သင်း ပါဝင်ယှဉ်ပြိုင်ကြမည်ဖြစ်သည်။