ရှမ်းပြည်နယ်တောင်ပိုင်း၊ တောင်ကြီးမြို့နယ်အတွင်းရှိ အစိုးရစာသင်ကျောင်းများတွင် အသက် ၁၀ နှစ်နှင့်အထက် ကျောင်းသား၊ ကျောင်းသူများကို "လမင်းစီမံချက်" ဖြင့် နိုင်ငံသားစိစစ်ရေးကတ်ပြားနှင့် UID စမတ်ကတ်များ ကွင်းဆင်းပြုလုပ်ပေးလျက်ရှိကြောင်း သိရသည်။
ဇွန်လ ၈ ရက်နေ့က တောင်ကြီးမြို့နယ်၊ ဖာမွန်းကျေးရွာအုပ်စုရှိ ပင်တခွါး အခြေခံပညာအထက်တန်းကျောင်းတွင် ကွင်းဆင်းပြုလုပ်ပေးခဲ့ရာ အခမဲ့ဖြစ်သော်လည်း စာရွက်စာတမ်းကြေး ကျပ် ၁ သောင်းခန့် ကုန်ကျမှုရှိပြီး ကျောင်းသားမိဘများအတွက် သွားလာရသက်သာကာ အဆင်ပြေမှုရှိခဲ့ကြောင်း သိရသည်။အဆိုပါ လမင်းစီမံချက်ဖြင့် ကွင်းဆင်းဆောင်ရွက်မှုကို တောင်ကြီးမြို့နယ်အတွင်း လာမည့် ဇူလိုင်လ ၃၁ ရက်နေ့အထိ ဆက်လက်လုပ်ဆောင်သွားမည်ဖြစ်သည်။ မှတ်ပုံတင် လျှောက်ထားလိုသူများအနေဖြင့် အိမ်ထောင်စုဇယားနှင့် ရပ်ကွက်/ကျေးရွာအုပ်ချုပ်ရေးမှူး ထောက်ခံစာတို့ တင်ပြရမည်ဖြစ်ကြောင်း သိရသည်။
