ရန်ကုန်တိုင်းဒေသကြီးရှိ လသာ (၁၉) လမ်းကို စည်းကမ်းတကျဖြင့် ပထမဆုံး Night Market အဖြစ် ယနေ့ ပြန်လည်ဖွင့်လှစ်

ရန်ကုန်တိုင်းဒေသကြီး၊ လသာမြို့နယ်ရှိ နာမည်ကျော် ၁၉ လမ်းကို နိုင်ငံတော်အစိုးရ၏ စီမံချက်ဖြင့် ပထမဆုံး ညဈေး (Night Market) အဖြစ် ယနေ့ (ဇွန်လ ၉ ရက်) တွင် စနစ်တကျ ပြန်လည်ဖွင့်လှစ်ခဲ့ကြောင်း တာဝန်ရှိသူများထံမှ သိရသည်။ ယခင်က စည်းကမ်းမဲ့ ရောင်းချမှုများရှိခဲ့သည့် ၁၉ လမ်းကို ယခုအခါ စည်းကမ်းတင်းကြပ်ရေးအဖွဲ့များဖွဲ့ကာ ဈေးရောင်းချိန်ကို ညနေ ၆ နာရီမှ ည ၁၁ နာရီအထိ တိတိကျကျ သတ်မှတ်ပေးထားပြီး၊ လမ်းအလယ်တွင်လည်း အရေးပေါ်ယာဉ်များ သွားလာနိုင်ရန် လမ်းချန်လှပ်ပေးထားသည်။ လက်ရှိတွင် ၁၉ လမ်းတစ်လျှောက်၌ အလှမီးပုံးများ တပ်ဆင်ကာ ဈေးသည်များ စနစ်တကျ ရောင်းချနေကြပြီး ဖွင့်ပွဲနေ့အဖြစ် ဖျော်ဖြေရေးအစီအစဉ်များလည်း ပါဝင်ကြောင်း သိရသည်။