ရှမ်းပြည်နယ်၊ ရွှေညောင်မြို့တွင် တရားမဝင် စက်သုံးဆီ သိုလှောင်ရောင်းချသည့် နေအိမ်တစ်အိမ်ကို ဖမ်းဆီးအရေးယူ

ရှမ်းပြည်နယ်တောင်ပိုင်း၊ တောင်ကြီးမြို့နယ်၊ ရွှေညောင်မြို့၊ သုခချမ်းသာရပ်ကွက်ရှိ နေအိမ်တစ်အိမ်တွင် လိုင်စင်မရှိဘဲ တရားမဝင် စက်သုံးဆီများ သိုလှောင်ရောင်းချနေကြောင်း သတင်းအရ ဇွန်လ ၈ ရက် ညနေ ၃ နာရီခွဲခန့်က နယ်မြေခံရဲစခန်း၊ မီးသတ်ဦးစီးဌာန၊ ရေနံကြီးကြပ်ရေးဦးစီးဌာနနှင့် ရပ်ကွက်အုပ်ချုပ်ရေးအဖွဲ့တို့ ပူးပေါင်းစစ်ဆေးခဲ့ရာ ဓာတ်ဆီနှင့် ဒီဇယ်ဆီဘူး/ပုံးများ အပါအဝင် ဆီရောင်းချရာတွင် အသုံးပြုသည့် ပစ္စည်းများကို သိမ်းဆည်းရမိခဲ့သည်။ ထို့ကြောင့် လူနေအိမ်၌ တရားဝင်လိုင်စင်မရှိဘဲ စက်သုံးဆီများ သိုလှောင်၊ ဖြန်ဖြူး၊ ရောင်းချသူ အမျိုးသမီးအား ရွှေညောင်နယ်မြေရဲစခန်းတွင် (ပ) ၈၅/၂၀၂၆၊ ရေနံနှင့် ရေနံထွက်ပစ္စည်းဆိုင်ရာ ဥပဒေပုဒ်မ ၃၇ ဖြင့် အမှုဖွင့် အရေးယူဆောင်ရွက်လျက်ရှိကြောင်း သိရသည်။