ဝက်စလေ ဒဏ်ရာရသဖြင့် ၎င်း၏နေရာတွင် ကွင်းလယ်လူ အက်ဒါဆန်ကို ဘရာဇီးအသင်း အစားထိုးခေါ်ယူ

အမေရိကန်၊ မက္ကဆီကိုနှင့် ကနေဒါနိုင်ငံတို့တွင် ကျင်းပမည့် ဖီဖာကမ္ဘာ့ဖလားပြိုင်ပွဲဝင် ဘရာဇီးအသင်းမှ ရိုးမားနောက်ခံလူ ဝက်စလေသည် ပေါင်ကြွက်သားဒဏ်ရာကြောင့် လူစာရင်းမှ နုတ်ထွက်ခဲ့ရသဖြင့် ၎င်း၏နေရာတွင် အတ္တလန်တာ ကွင်းလယ်လူ အက်ဒါဆန်ကို အစားထိုးရွေးချယ်လိုက်ကြောင်း ဘရာဇီးဘောလုံးအဖွဲ့ချုပ် (CBF) က ဇွန်လ ၇ ရက်နေ့တွင် ကြေညာခဲ့သည်။ ဝက်စလေသည် ဇွန်လ ၆ ရက်နေ့က အီဂျစ်ကို ၂-၁ ဂိုးဖြင့် နိုင်ခဲ့သည့် ခြေစမ်းပွဲ၌ ဒဏ်ရာရရှိခဲ့ခြင်းဖြစ်ပြီး၊ ၎င်းက ကမ္ဘာ့ဖလားအိမ်မက် အချိန်နောက်ဆုတ်သွားရသော်လည်း ပိုမိုသန်မာစွာ ပြန်လာမည်ဟု ဆိုရှယ်မီဒီယာတွင် ရေးသားခဲ့သည်။ ၎င်း၏နေရာတွင် အစားထိုးခံရသည့် အသက် ၂၆ နှစ်အရွယ် အက်ဒါဆန်သည် ဘရာဇီးအသင်းအတွက် ၃ ပွဲ ကစားပေးထားသူဖြစ်ပြီး၊ ကမ္ဘာ့ဖလား အုပ်စု (C) တွင် ပါဝင်သည့် ဘရာဇီးအသင်းသည် နယူးဂျာစီမြို့၌ မော်ရိုကိုအသင်းနှင့် စတင်ယှဉ်ပြိုင်ရမည်ဖြစ်ကာ အုပ်စုတွင်း၌ ဟေတီ၊ စကော့တလန်တို့နှင့်လည်း ဆက်လက်ယှဉ်ပြိုင်ရမည်ဖြစ်ကြောင်း သိရသည်။