ကရင်ပြည်နယ်မြဝတီမြို့၌ နေ့ခင်းကြောင်တောင် ဓားပြတိုက်မှုဖြစ်ပွားပြီး ထိုင်းဘတ်ငွေ ၆၅ သိန်း ပါသွား

ထိုင်း-မြန်မာနယ်စပ် ကရင်ပြည်နယ် မြဝတီမြို့၊ အမှတ် (၄) ရပ်ကွက်၊ တောရကျောင်းလမ်းရှိ ငွေလဲဆိုင်တစ်ဆိုင်တွင် ဇွန်လ ၇ ရက်နေ့ မွန်းလွဲ ၁ နာရီဝန်းကျင်က ရှမ်းတရုတ်အချို့ ငွေထုတ်ပြီးအထွက်၌ ကားနှစ်စီးဖြင့် ပိတ်ရပ်ကာ ဓားပြတိုက်မှုဖြစ်ပွားခဲ့ပြီး ကျပ်သိန်း ၈၀၀0 ကျော်တန်ဖိုးရှိ ထိုင်းဘတ်ငွေ ၆၅ သိန်း ပါသွားကြောင်း သိရသည်။ အဆိုပါဖြစ်စဉ်နှင့် ပတ်သက်၍ သက်ဆိုင်ရာက တုံ့ပြန်ဖြေကြားခြင်း မရှိသေးဘဲ၊ မြို့ခံလူထုအနေဖြင့် လုံခြုံရေးအတွက် စိုးရိမ်မှုများရှိနေကာ လုံခြုံရေးတိုးမြှင့်ပေးရန်နှင့် အရေးပေါ်ဆက်သွယ်နိုင်မည့် ဖုန်းနံပါတ်များ ထုတ်ပြန်ပေးရန် တောင်းဆိုနေကြကြောင်း သိရသည်။