မွန်ပြည်နယ်၊ ကျိုက်မရော-မော်လမြိုင်ကားလမ်းတွင် ထိုင်းကုန်ပစ္စည်းများ တင်ဆောင်လာသည့် ကုန်တင်ယာဉ်တစ်စီး တိမ်းမှောက်

မွန်ပြည်နယ်၊ ကျိုက်မရောမြို့နယ်၊ ကျိုက်မရော-မော်လမြိုင်ကားလမ်းရှိ ရေတွင်းကုန်းကျေးရွာအနီးတွင် ဇွန်လ ၇ ရက်နေ့ နံနက်ပိုင်းက ထိုင်းကုန်ပစ္စည်းများ တင်ဆောင်လာသည့် ကုန်တင်ယာဉ်တစ်စီး တိမ်းမှောက်မှု ဖြစ်ပွားခဲ့သည်။ အဆိုပါ တိမ်းမှောက်သွားသည့် မော်တော်ယာဉ်ကို ကရိန်းကားဖြင့် ပြန်လည်ဆွဲတင် တည့်မတ်ပေးခဲ့ရပြီး ယာဉ်ပေါ်တွင် ပါရှိလာသော ထိုင်းကုန်ပစ္စည်းများကိုမူ အခြားမော်တော်ယာဉ်တစ်စီးဖြင့် လာရောက်သယ်ဆောင်သွားခဲ့ကြောင်း သိရသည်။