မွန်ပြည်နယ်၊ မော်လမြိုင်မြို့ ရှေးဟောင်းဝတ်တော်ကြီးနှင့် ဗုဒ္ဓရုပ်ပွားတော်များ ရွှေသင်္ကန်းကပ်လှူပွဲ ရေစက်ချအခမ်းအနားသို့ ပြည်နယ်လွှတ်တော်ဥက္ကဋ္ဌ တက်ရောက်

မွန်ပြည်နယ်၊ မော်လမြိုင်မြို့၊ ရွှေတောင်ကျောင်းတိုက်ကြီးအတွင်းရှိ နှစ်ပေါင်း ၁၅၀ ကျော် သက်တမ်းရှိ ရှေးဟောင်းဝတ်တော်ကြီး ပြုပြင်ခြင်းနှင့် ဗုဒ္ဓရုပ်ပွားတော်များ မွမ်းမံကာ ရွှေသင်္ကန်းကပ်လှူခြင်းလုပ်ငန်း ပြီးစီးခြင်း ရေစက်ချမင်္ဂလာအခမ်းအနားကို ဇွန်လ ၇ ရက်နေ့ နံနက် ၉ နာရီခွဲတွင် ကျင်းပခဲ့သည်။ အဆိုပါ အခမ်းအနားသို့ မွန်ပြည်နယ်လွှတ်တော် ဥက္ကဋ္ဌ ဦးသက်ထွေး၊ ဒုတိယဥက္ကဋ္ဌ မင်းအောင်မြင့်၊ ပြည်နယ်အစိုးရအဖွဲ့ဝင် လူမှုရေးရာဝန်ကြီး ဦးတင်ဇော်ထွန်းနှင့် ပြည်နယ်လွှတ်တော် ကိုယ်စားလှယ်များ တက်ရောက်ခဲ့ကြောင်း သိရသည်