ရှမ်းပြည်နယ်၊ တောင်ကြီးမြို့၌ မြန်မာနိုင်ငံလုံးဆိုင်ရာ သုတစုံလင်ဗုဒ္ဓဝင်ဖြေဆိုပူဇော်ပွဲတွင် ပထမဆုရရှိသူ မအိမ့်ချစ်သူနှင့် ဆုရကျောင်းသား၊ ကျောင်းသူများအား ဂုဏ်ပြုချီးမြှင့်

မြန်မာနိုင်ငံလုံးဆိုင်ရာ အလယ်တန်းအဆင့် ပထမဆုရရှိသူ ရှမ်းပြည်နယ်ကိုယ်စားပြု မအိမ့်ချစ်သူနှင့် ဆုရကျောင်းသား၊ ကျောင်းသူများအား ဂုဏ်ပြုချီးမြှင့်သည့်ပွဲကို ဇွန်လ ၆ ရက်နေ့က တောင်ကြီးမြို့ မြို့တော်ခန်းမ၌ ကျင်းပခဲ့သည်။ အဆိုပါအခမ်းအနားတွင် ပထမဆုရှင် မအိမ့်ချစ်သူအား ပြည်နယ်အစိုးရ၊ လွှတ်တော်နှင့် ကော်မတီတို့က စုစုပေါင်း ဂုဏ်ပြုငွေကျပ်သိန်း ၂၉၀ ကျော်နှင့်အတူ Laptop ၊ ဆိုင်ကယ်နှင့် ဒိုင်းဆုများ ချီးမြှင့်ခဲ့ကြသည်။ ထို့ပြင် အခြားဆုရရှိသူများ၊ ပါဝင်ဖြေဆိုသူများနှင့် သံဃာတော်၊ သီလရှင်များအတွက်ပါ စုစုပေါင်း ဂုဏ်ပြုလှူဒါန်းငွေ ကျပ်သိန်း ၆၀၀ ကျော်ကို အသီးသီး ပေးအပ်ချီးမြှင့်ခဲ့ကြောင်း သိရသည်။