၂၀၂၆ FIFA World Cup ပြိုင်ပွဲအတွက် လက်မှတ်ဝယ်ယူရာမှာ FIFA ရဲ့ ဝက်ဘ်ဆိုက်စနစ် ချို့ယွင်းမှုကြောင့် ပရိသတ် ၆၀ ကျော်ဟာ လက်မှတ်တွေကို အခမဲ့ (0 USD) ဖြင့် ရရှိခဲ့ကြပါတယ်။ဒီပြဿနာဟာ ငွေပေးချေမှုလုပ်ငန်းစဉ်အတွင်း နည်းပညာပိုင်းဆိုင်ရာ အမှားတစ်ခုကြောင့် ဖြစ်ပွားခဲ့တာဖြစ်ပြီး လက်မှတ်တွေကို အခကြေးငွေ မကောက်ခံဘဲ ထုတ်ပေးမိခဲ့ကြောင်း FIFA က ထုတ်ပြန်ထားပါတယ်။ဒါကြောင့် 0 (သုည) ဒေါ်လာနဲ့ ဝယ်ယူရရှိခဲ့တဲ့ လက်မှတ်တွေကို ပယ်ဖျက်လိုက်ပြီး ရရှိခဲ့တဲ့ ပရိသတ်တွေအနေနဲ့ မူလသတ်မှတ်ဈေးနှုန်းအတိုင်း ပြန်လည်ဝယ်ယူဖို့ အကြောင်းကြားထားတယ်လို့ ထုတ်ပြန်ချက်မှာ ဖော်ပြထားပါတယ်။။ ဝယ်ယူထားတဲ့ ထိုင်ခုံနံပါတ်နေရာတွေကို ယာယီသိမ်းဆည်းပေးထားမှာဖြစ်ပြီး သတ်မှတ်ကာလအတွင်း ငွေပေးချေမှု မပြုလုပ်ပါက အလိုအလျောက် ဖျက်သိမ်းသွားမှာဖြစ်ကြောင်း FIFA က ဆိုပါတယ်။အခုဖြစ်ရပ်ဟာ အမေရိကန်၊ ကနေဒါနှင့် မက္ကဆီကိုနိုင်ငံများ ပူးတွဲအိမ်ရှင်အဖြစ် ကျင်းပမည့် ၂၀၂၆ ကမ္ဘာ့ဖလားပြိုင်ပွဲ မစတင်မီ ရက်ပိုင်းအလိုမှာ ဖြစ်ပွားခဲ့တာဖြစ်ပြီး FIFA ရဲ့ လက်မှတ်ရောင်းချမှုစနစ်အပေါ် ဝေဖန်မှုတွေ ထပ်မံမြင့်တက်လာစေခဲ့ပါတယ်။
