မြစ်ကြီးနား–မိုးကောင်း–မိုးညှင်း မီးရထားလမ်း တိုးချဲ့ပြေးဆွဲနိုင်ရန် လမ်းပိုင်းပြုပြင်မှု ဇူလိုင်တွင် အပြီးသတ်မည်

ကချင်ပြည်နယ်အတွင်း မြစ်ကြီးနား–မိုးကောင်း မီးရထားခရီးစဉ်ကို လက်ရှိအချိန်တွင် ပြေးဆွဲလျက်ရှိပြီး မိုးညှင်းမြို့အထိ တိုးချဲ့ပြေးဆွဲနိုင်ရန် လမ်းပိုင်းပြုပြင်ထိန်းသိမ်းမှုလုပ်ငန်းများကို ဆောင်ရွက်လျက်ရှိကြောင်း ကချင်ပြည်နယ်အစိုးရအဖွဲ့မှ သိရသည်။အဆိုပါ တိုးချဲ့ပြေးဆွဲနိုင်ရေးနှင့် ပတ်သက်သည့် လုပ်ငန်းညှိနှိုင်းအစည်းအဝေးကိုလည်း ယမန်နေ့က ကျင်းပခဲ့ကြောင်း သိရသည်။မြစ်ကြီးနား–မိုးညှင်း မီးရထားခရီးစဉ်အထိ တိုးချဲ့ပြေးဆွဲနိုင်ရန်အတွက် မြင်းကောင်ရေ ၁,၃၀၀ အားနှင့် ၂,၀၀၀ အား စက်ခေါင်းများကို အသုံးပြုသွားမည်ဖြစ်ကြောင်း သိရသည်။