ရခိုင်ပြည်နယ် မာန်အောင်မြို့တွင် ၂၀၂၀ ပြည့်နှစ် ဇူလိုင်လ ၁၀ ရက်နေ့မှစ၍ ဘက်ထရီအိုးများ အရည်အသွေးညံ့ဖျင်းမှုကြောင့် လျှပ်စစ်ဓာတ်အား ပြတ်တောက်မှုများ ဖြစ်ပေါ်ခဲ့ပြီး လက်ရှိတွင် ပြည်သူများအနေဖြင့် ရပ်ကွက်အလိုက် အလှည့်ကျစနစ်ဖြင့် နေ့ဘက်တွင် ၁ နာရီ ၁၅ မိနစ်၊ ညဘက်တွင် ၁ နာရီ ၁၅ မိနစ် စုစုပေါင်း တစ်နေ့လျှင် ၂ နာရီခွဲခန့်သာ လျှပ်စစ်မီး ရရှိတော့ကြောင်း ဦးကျော်သန်း၏ ပြောကြားချက်အရ သိရသည်။ ပြည်သူများအတွက် မရှိမဖြစ်လိုအပ်သော အဆိုပါ လျှပ်စစ်ဓာတ်အား ပြန်လည်ရရှိစေရန်အတွက် အရည်အသွေးညံ့ဖျင်းနေသည့် ဘက်ထရီအိုးများကို အသစ်ပြန်လည်လဲလှယ်၍ အစားထိုးပေးရန် လိုအပ်နေကြောင်း သိရသည်။
