မွန်ပြည်နယ်၊ မော်လမြိုင်မြို့တွင် လမ်းမပေါ်၌ ဓားကိုင်သောင်းကျန်းနေသည့် အမျိုးသားတစ်ဦးကို ဖမ်းဆီးအရေးယူ

မွန်ပြည်နယ်၊ မော်လမြိုင်မြို့၊ မြိုင်သာယာတိုးချဲ့ရပ်ကွက်၊ တိုင်းရင်းဆေးရုံအနောက်လမ်းရှိ HORIZOL စားသောက်ဆိုင်ရှေ့ လမ်းမပေါ်တွင် ယနေ့ ဇွန်လ ၃ ရက် နေ့လယ် ၂ နာရီခန့်က အသက် ၂၃ နှစ်အရွယ်ရှိ ညီညီထွေး ဆိုသူသည် ဓားကိုင်ကာ မူးယစ်ဆူပူရမ်းကားနေခဲ့ကြောင်း သိရသည်။ ထိုကဲ့သို့ အများပြည်သူ သွားလာရာလမ်းမပေါ်တွင် ဓားကိုင်အော်ဟစ်ကာ ဆူပူရမ်းကားခဲ့သူ ညီညီထွေးအား သက်ဆိုင်ရာ နယ်မြေရဲစခန်းက အချိန်မီ ဖမ်းဆီးထိန်းသိမ်းကာ ဥပဒေအရ အရေးယူထားကြောင်း သိရသည်။