ရန်ကုန်တိုင်းဒေသကြီး၊ဗိုလ်တထောင်မြို့နယ် အမျိုးသားဒီဂရီကောလိပ်တွင် မီးလောင်မှုဖြစ်ပွား

ရန်ကုန်တိုင်းဒေသကြီး၊ ဗိုလ်တထောင်မြို့နယ်၊ (၅၃) လမ်းအလယ်ရှိ အမျိုးသားဒီဂရီကောလိပ်တွင် ယနေ့ (ဇွန်လ ၁ ရက်) မွန်းလွဲ ၁ နာရီ ၃၃ မိနစ်အချိန်ခန့်က မီးလောင်မှုတစ်ခု ဖြစ်ပွားခဲ့ကြောင်း သိရသည်။ မီးလောင်မှုသတင်းအရ ပုဇွန်တောင်မြို့နယ်မီးသတ်စခန်းမှ မီးသတ်ယာဉ် (၂) စီး၊ တာမွေမြို့နယ်မီးသတ်စခန်းမှ မီးသတ်ယာဉ် (၁) စီး၊ ဒေါပုံမြို့နယ်မီးသတ်စခန်းမှ မီးသတ်ယာဉ် (၂) စီးနှင့် သန္ဓေမီးသတ်တပ်ဖွဲ့ဝင်များ ချက်ချင်းသွားရောက်ကာ ဝိုင်းဝန်းငြှိမ်းသတ်ခဲ့ကြသည်။ မီးသတ်တပ်ဖွဲ့ဝင်များ၏ အချိန်မီအမြန်ဆုံး ငြှိမ်းသတ်မှုကြောင့် မွန်းလွဲ ၁ နာရီ ၃၈ မိနစ်အချိန်တွင် မီးလုံးဝငြိမ်းသွားခဲ့ကြောင်း သိရသည်။