စစ်ကိုင်းတိုင်း၊ မင်းကင်းမြို့အနီးတွင် အင်အား ၃.၈ အဆင့်ရှိ ငလျင်တစ်ခု လှုပ်ခတ်

စစ်ကိုင်းတိုင်းဒေသကြီး၊ မင်းကင်းမြို့ကို ဗဟိုပြု၍ အင်အားအနည်းငယ်ရှိသော ငလျင်တစ်ခု ယမန်နေ့ မေလ ၃၀ ရက် ညနေပိုင်းက လှုပ်ခတ်ခဲ့ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာန (မိုးဇလ) ၏ ထုတ်ပြန်ချက်အရ သိရသည်။အဆိုပါငလျင်သည် မင်းကင်းမြို့၏ တောင်-အနောက်တောင်ဘက် ၂၉ မိုင်ခန့်အကွာ၊ မြေအောက်အနက် ၇၅ ကီလိုမီတာကို ဗဟိုပြု၍ ယမန်နေ့ညနေ ၄ နာရီ ၃၆ မိနစ် ၄၈ စက္ကန့်တွင် အင်အားမဂ္ဂနီကျု ၃.၈ အဆင့်ဖြင့် လှုပ်ခတ်သွားခြင်းဖြစ်ကြောင်း သိရသည်။