မန္တလေးတိုင်းဒေသကြီး၊မြင်းခြံမြို့ အထက (၄) ကျောင်းဝန်းအတွင်း သစ်ပင်လဲကျ၍ လမ်းပိတ်ဆို့မှုဖြစ်ပွား၊ မီးသတ်တပ်ဖွဲ့ဝင်များ ရှင်းလင်းရေးဆောင်ရွက်

မန္တလေးတိုင်းဒေသကြီး၊ မြင်းခြံမြို့နယ်၊ အမှတ် (၁၃) ရပ်ကွက်၊ ဗိုလ်ချုပ်လမ်းမကြီးဘေးရှိ အခြေခံပညာအထက်တန်းကျောင်း အမှတ် (၄) ဝန်းအတွင်း၌ ယနေ့ (မေလ ၃၀ ရက်) မွန်းလွဲ ၃ နာရီ ၃၅ မိနစ်အချိန်ခန့်က သစ်ပင်လဲကျပြီး လမ်းပိတ်ဆို့မှု ဖြစ်ပွားခဲ့ကြောင်း သိရသည်။ အဆိုပါ သစ်ပင်လဲကျမှုကြောင့် လမ်းပိတ်နေကြောင်း သတင်းရရှိသဖြင့် မြင်းခြံမြို့နယ် မီးသတ်စခန်းမှ သန္ဓေမီးသတ်တပ်ဖွဲ့ဝင်များသည် သက်ဆိုင်ရာ အဖွဲ့အစည်းများနှင့် ပူးပေါင်းကာ လမ်းပိတ်ဆို့မှု မရှိစေရေးအတွက် လိုအပ်သည့် ရှင်းလင်းရေးလုပ်ငန်းများကို အချိန်နှင့်တစ်ပြေးညီ သွားရောက်ဆောင်ရွက်ခဲ့ကြကြောင်း သိရသည်။