ပြီးခဲ့တဲ့ သောကြာနေ့တုန်းက တရားသူကြီးတစ်ယောက်က ဝါရှင်တန်မြို့မှာရှိတဲ့ နာမည်ကြီး ကနေဒီစင်တာ(Kennedy Centre for the Performing Arts) အနုပညာခန်းမကြီးမှာ သမ္မတ ဒေါ်နယ်ထရမ့်ရဲ့ နာမည်ဖြည့်စွက်ထားတာကို ဖယ်ရှားပစ်ဖို့ အမိန့်ပေးလိုက်ပါတယ်။ လွှတ်တော်ရဲ့ ခွင့်ပြုချက်မပါဘဲ ဒီခန်းမကြီးရဲ့ နာမည်ကို ပြောင်းလဲလို့မရဘူးလို့ တရားသူကြီးက ဆုံးဖြတ်ခဲ့တာပါ။ဝါရှင်တန်ဒီစီက ဖက်ဒရယ်တရားသူကြီး ခရစ္စတိုဖာ ကူးပါး(Christopher Cooper) က ထရမ့်အစိုးရအဖွဲ့အနေနဲ့ ကနေဒီစင်တာမှာ တပ်ထားတဲ့ ထရမ့်နာမည်ပါတဲ့ ဆိုင်းဘုတ်တွေအားလုံးကို ဖြုတ်ချဖို့နဲ့ ရုံးသုံးစာရွက်စာတမ်းတွေထဲက "ထရမ့် ကနေဒီစင်တာ" ဆိုတဲ့ အသုံးအနှုန်းတွေကို ၁၄ ရက်အတွင်း အပြီးဖယ်ရှားဖို့ အမိန့်ထုတ်ပြန်လိုက်ပါတယ်။
