မြန်မာနိုင်ငံရှိ မြို့နယ်များနှင့် ရပ်ကွက်များအတွင်း ငွေအလွယ်တကူရနိုင်သည်ဟူသော မက်လုံးများဖြင့် ဆွဲဆောင်နေသည့် အွန်လိုင်းစလော့ဂိမ်း၊ ငါးပစ်ဂိမ်းနှင့် ရှမ်းကိုးမီးစသည့် အွန်လိုင်းလောင်းကစားဂိမ်းများ ကျယ်ကျယ်ပြန့်ပြန့် ကစားလာကြခြင်းကြောင့် မိသားစုပြိုကွဲမှုများနှင့် အကြွေးပတ်လည်ဝိုင်းကာ ထွက်ပြေးရသည့် လူမှုရေးပြဿနာများ ခပ်စိပ်စိပ်ဖြစ်ပွားလာကြောင်း သိရသည်။ ငွေကျပ်တစ်ထောင်ခန့်ဖြင့် စတင်နိုင်ခြင်းနှင့် မိုဘိုင်းငွေပေးချေမှုစနစ်များကြောင့် ဈေးသည်များ၊ ဆိုင်ကယ်ကယ်ရီသမားများနှင့် လက်လုပ်လက်စားသမားများအကြား ရေပန်းစားနေပြီး၊ ကနဦးတွင် အနိုင်ပေး၍ ဆွဲဆောင်ကာ နောက်ပိုင်းတွင် ဆက်တိုက်ရှုံးစေသည့် ဂိမ်းစနစ်ကြောင့် အရှုံးကိုလိုက်ရင်းဖြင့် မိသားစုစုဆောင်းငွေများ၊ ကလေးကျောင်းစရိတ်များနှင့် လက်ဝတ်ရတနာများပါ ဆုံးရှုံးကာ ဘဝပျက်ရသည့်အထိ ဖြစ်လာနေကြောင်း ဒေသခံများက ပြောသည်။
