ကိုရီးယားစစ်ပွဲအတွင်း ပါဝင်တိုက်ခိုက်ခဲ့သည့် စစ်မှုထမ်းဟောင်းများအတွက် တောင်ကိုရီးယား- အမေရိကန် ပူးတွဲဂုဏ်ပြုအထိမ်းအမှတ်အခမ်းအနား ကျင်းပခဲ့

တောင်ကိုရီးယား-အမေရိကန် မဟာမိတ်ဖောင်ဒေးရှင်း (KUSAF) သည် ၁၉၅၀-၅၃ ကိုရီးယားစစ်ပွဲအတွင်း ပါဝင်တိုက်ခိုက်ခဲ့ကြသည့် စစ်မှုထမ်းဟောင်းများအား ဂုဏ်ပြုသောအားဖြင့် နယ်စပ်မြို့တစ်မြို့ဖြစ်သည့် ပါဂျူးမြို့တွင် ပူးတွဲအထိမ်းအမှတ် အခမ်းအနားတစ်ခုကို ကြာသပတေးနေ့က ကျင်းပခဲ့ကြောင်း တာဝန်ရှိသူများက ပြောကြားခဲ့သည်။ ဆိုးလ်မြို့မြောက်ဘက်၊ ပါဂျူးမြို့ရှိ အင်မ်ဂျင်ဂတ် (Imjingak) အမေရိကန်စစ်တပ် အထိမ်းအမှတ်ဗိမာန်၌ ပြုလုပ်ခဲ့သော အဆိုပါအခမ်းအနားသို့ ကိုရီးယားစစ်မှုထမ်းဟောင်းရေးရာ တာဝန်ရှိသူများ အပါအဝင် စုစုပေါင်း လူဦးရေ ၁၅၀ ခန့် တက်ရောက်ခဲ့ကြသည်။