လားရှိုးမြို့ လေပြင်းတိုက်ခတ်၊ မိုးသီးများနှင့်အတူမိုးသည်း ထန်ခဲ့

ရှမ်းပြည်နယ်မြောက်ပိုင်း လားရှိုးမြို့မှာ ယနေ့နေ့လည် ၂နာရီ ကျော်အချိန်ခန့်က မိနစ်ပိုင်းအတွင်း လေပြင်းတိုက်ခတ်ခဲ့ပြီး မိုးသည်းထန်စွာရွာသွန်းခဲ့၊ မိုးသီးများကျခဲ့ကာ နေအိမ်အချို့ ပျက်စီးမှုများအပါအဝင် သစ်ပင်များ၊ဆိုင်းဘုတ်များ၊မီးတိုင် နှင့်မီးကြိုးများ လဲကျ ၊ပျက်ကျမှု‌ရှိခဲ့ကြောင်း ‌လားရှိုးမြို့ခံများထံမှ သိရသည်။ လက်ရှိအချိန်မှာတော့ မီးသတ်တပ်ဖွဲ့၊ လူမှုကူညီရေးအဖွဲ့တွေ ဒေသခံတွေက ပျက်စီးမှုများကြောင့် လမ်းပိတ်ဆို့တာတွေကို ရှင်းလင်းနေကြောင်းသိရသည်။