ထိုင်းနိုင်ငံ၊Sa Kaeo မှာ ဘန်ကောက်ကို ပို့မယ့် ကုန်ပစ္စည်း အတု ၂၀,၀၀၀ ကျော်ကို ဂိုဒေါင်တစ်ခုအတွင်း ဝင်ရောက်စီးနင်းသိမ်းဆည်း

ထိုင်း အာဏာပိုင်တွေဟာ ထိုင်း-ကမ္ဘောဒီးယား နယ်စပ်အနီး Sa Kaeo မှာ ရှိတဲ့ ဂိုဒေါင်တစ်ခုကို ဝင်ရောက်စီးနင်းခဲ့ပြီး ဘန်ကောက်မြို့ကို ပို့ဆောင်ဖို့ ပြင်ဆင်ထားတဲ့ ဘဲဥ ၁၄,၀၀၀ ကျော်နဲ့အတူ အလှကုန်၊ အဖျော်ယမကာနဲ့ အခြောက်အစာတွေ အပါအဝင် တရားမဝင်ကုန်ပစ္စည်းပေါင်း ၂၀,၀၀၀ ကျော်ကို သိမ်းဆည်းရမိခဲ့ပါတယ်။ဒီစီးနင်းမှုအတွင်းမှာ သံသယရှိသူ ၃ ဦးကို ဖ-မ်းဆီးရမိခဲ့ပြီး အဲဒီထဲမှာ အသက် ၅၄ နှစ်အရွယ် အမျိုးသားတစ်ဦး၊ အသက် ၄၈ နှစ်အရွယ် ဂိုဒေါင်ပိုင်ရှင် အမျိုးသမီးနဲ့ အိမ်စောင့်အဖြစ် တာဝန်ယူထားတဲ့ ကမ္ဘောဒီးယားနိုင်ငံသားတစ်ဦးတို့ ပါဝင်ပါတယ်။ လောလောဆယ်မှာတော့ အာဏာပိုင်တွေက သူတို့ကို တိရစ္ဆာန်ကူးစက်ရောဂါကာကွယ်ရေးဥပဒေနဲ့ အကောက်ခွန်ဥပဒေတွေအရ အမှုဖွင့် အရေးယူထားပြီး ဒီမှောင်ခိုဂိုဏ်းနဲ့ ဆက်စပ်နေတဲ့ တခြားသူတွေကိုလည်း ဆက်လက်စုံစမ်း ရှာဖွေနေပါတယ်။