သုံးစွဲရန်မသင့်သည့် အလှကုန်ပစ္စည်း (၂၉) မျိုးကို FDA ထုတ်ပြန်၊ ရောင်းချသူများကို အရေးယူမည်

အာဆီယံဒေသတွင်း ဈေးကွက်စောင့်ကြည့်စစ်ဆေးရေးစနစ် (PMAS) အရ တွေ့ရှိရသော သုံးစွဲရန်မသင့်သည့် အလှကုန်ပစ္စည်း (၂၉) မျိုးကို အစားအသောက်နှင့် ဆေးဝါးကွပ်ကဲရေးဦးစီးဌာန (FDA) က ထုတ်ပြန်ကြေညာလိုက်သည်။ အဆိုပါပစ္စည်းများတွင် ကျန်းမာရေးကို ပြင်းထန်စွာထိခိုက်စေနိုင်သည့် တားမြစ်ဓာတုပစ္စည်းများ ပါဝင်နေပြီး ရေရှည်သုံးစွဲပါက အရေပြားယားယံခြင်းမှသည် ကျောက်ကပ်ပျက်စီးခြင်းနှင့် အာရုံကြောဆိုင်ရာရောဂါများအထိ ဖြစ်ပွားနိုင်ကြောင်း သတိပေးထားသည်။ FDA အနေဖြင့် အဆိုပါပစ္စည်းများကို တင်သွင်းဖြန့်ဖြူးရောင်းချခြင်း (အွန်လိုင်းအပါအဝင်) လုံးဝမပြုလုပ်ရန်နှင့် လိုက်နာခြင်းမရှိပါက ပြည်သူ့ကျန်းမာရေးဆိုင်ရာဥပဒေဖြင့် ထိရောက်စွာ အရေးယူသွားမည်ဖြစ်ကြောင်း အသိပေးထုတ်ပြန်ထားပါသည်။