မုဒုံမြို့တွင် နှစ်ကျိပ်ရှစ်ဆူဘုရားများအား ဖေဖော်ဝါရီ ၂၇ ရက်မှစ၍ သုံးရက်တိုင်တိုင် လှည့်လည်အပူဇော်ခံမည်

မွန်ပြည်နယ်၊ မုဒုံမြို့တွင် နှစ်စဉ်ကျင်းပမြဲဖြစ်သော နှစ်ကျိပ်ရှစ်ဆူဘုရားပွဲ ကို လာမည့် တပေါင်းလဆန်း ၁၂ ရက်မှ ၁၄ ရက်အထိ (ဖေဖော်ဝါရီ ၂၇ ရက်မှ မတ်လ ၁ ရက်နေ့အထိ) သုံးရက်တိုင်တိုင် မြို့တွင်းလှည့်လည်အပူဇော်ခံသွားမည်ဖြစ်ကြောင်း ဒေသခံများထံမှ သိရသည်။အဆိုပါ ဘုရားလှည့်လည်ပူဇော်ပွဲသည် မုဒုံမြို့၏ ထင်ရှားသော ဘာသာရေးပွဲတော်တစ်ခုဖြစ်ပြီး မြို့ပေါ်ရပ်ကွက်များအလိုက် ဘုရားဆင်းတုတော်များကို မော်တော်ယာဉ်များဖြင့် လှည့်လည်ပူဇော်ကာ ဒေသခံပြည်သူများက ကုသိုလ်ယူ ဆင်နွှဲကြမည်ဖြစ်ပါသည်။