back

စင်ကာပူ Chinatown တွင် အဖိုးအဖွားများ၏ ကာရာအိုကေအသံကြောင့် ဆိုင်ရှင်များနှင့် စားသုံးသူများ အခက်တွေ့နေ

Jan 25 • 4:19 AM

breaking-news

စင်ကာပူ

ပြည်တွင်းသတင်း

cover

စင်ကာပူ Chinatown တွင် အဖိုးအဖွားများ၏ ကာရာအိုကေအသံကြောင့် ဆိုင်ရှင်များနှင့် စားသုံးသူများ အခက်တွေ့နေ

စင်ကာပူနိုင်ငံ၊ Chinatown MRT ဘူတာအနီး Pagoda Street တွင် နေ့စဉ်ညနေပိုင်း၌ အသံချဲ့စက်များဖြင့် အားရပါးရ သီချင်းဆိုနေကြသည့် သက်ကြီးရွယ်အိုတစ်စုကြောင့် ဒေသခံစီးပွ...

စင်ကာပူနိုင်ငံ၊ Chinatown MRT ဘူတာအနီး Pagoda Street တွင် နေ့စဉ်ညနေပိုင်း၌ အသံချဲ့စက်များဖြင့် အားရပါးရ သီချင်းဆိုနေကြသည့် သက်ကြီးရွယ်အိုတစ်စုကြောင့် ဒေသခံစီးပွားရေးသမားများ ခေါင်းခဲနေရကြောင်း Stomp သတင်းတွင် ဖော်ပြထားသည်။ အဆိုပါအဖွဲ့သည် ညနေ ၆ နာရီမှ ည ၁၀ နာရီကျော်အထိ အသံကျယ်လောင်စွာ သီချင်းဆိုလေ့ရှိသဖြင့် အနီးနားရှိ စားသောက်ဆိုင်များတွင် စားသုံးသူများ စကားပြောဆို၍မရသည့်အထိ အနှောင့်အယှက်ဖြစ်နေရသည်။ ဆိုင်ရှင်များက ရဲတပ်ဖွဲ့ထံ အကြိမ်ကြိမ်တိုင်ကြားခဲ့သော်လည်း ရဲများပြန်သွားသည်နှင့် ပြန်လည်သီချင်းဆိုကြခြင်း၊ ကန့်ကွက်သူများကို ရိုင်းစိုင်းစွာဆဲဆိုခြင်းများ ရှိနေသည်။ အဆိုပါအဖွဲ့က ၎င်းတို့သည် အပျော်တမ်းလူမှုရေးအရ ဆိုခြင်းဖြစ်ကြောင်း တုံ့ပြန်သော်လည်း Pagoda Street မှာ လမ်းဘေးဖျော်ဖြေခွင့် (Busking) ရှိသည့်နေရာစာရင်းတွင် ပါဝင်ခြင်းမရှိပေ။ ယခုဖြစ်စဉ်သည် အပျော်တမ်းဖျော်ဖြေသူများနှင့် ဒေသခံစီးပွားရေးလုပ်ငန်းရှင်များအကြား လူမှုစည်းကမ်းဆိုင်ရာ အငြင်းပွားစရာဖြစ်နေပြီး သက်ဆိုင်ရာ၏ အရေးယူဆောင်ရွက်မှုကို စောင့်ကြည့်ရဦးမည်ဖြစ်ပါသည်။

news-view-count-icon

10