ကာရစ်က မန်ယူလူငယ်ပရိသတ်တွေအတွက် ဖာဂူဆန်ခေတ်က အရသာမျိုး ပေးနိုင်ခဲ့တယ်လို့ ရွန်နီ သုံးသပ်

မန်ယူအသင်းရဲ့ တိုက်စစ်မှူးဟောင်း ရွန်နီက လက်ရှိယာယီနည်းပြ ကာရစ်ဟာ မန်ယူလူငယ်ပရိသတ်တွေအတွက် ဖာဂူဆန်ခေတ်က အရသာမျိုး ပေးနိုင်ခဲ့တယ်လို့ သုံးသပ်ပြောကြားခဲ့ပါတယ်။ကာရစ်က ပွဲဦးထွက်အဖြစ် ကိုင်တွယ်ခဲ့ရတဲ့ မန်ချက်စတာဒါဘီပွဲမှာ မြို့ခံပြိုင်ဘက် မန်စီးတီးအသင်းကို (၂-၀)ဂိုးနဲ့ အနိုင်ရရှိအောင် စွမ်းဆောင်နိုင်ခဲ့ရုံသာမက ခြေစွမ်းပိုင်းမှာလည်း အသာစီးယူကစားနိုင်ခဲ့တာပါ။ဒါကြောင့် ချီးကျူးများစွာ ရရှိခဲ့ပြီး ရွန်နီကလည်း သူ့ရဲ့ BBC podcast The Wayne Rooney Show အစီအစဉ်မှာ ချီးကျူးသုံးသပ်မှု ပြုလုပ်ခဲ့တာ ဖြစ်ပါတယ်။ကာရစ်ဟာ မန်ယူအသင်းရဲ့ ယာယီနည်းပြအဖြစ် ၂၀၂၁ ခုနှစ်မှာ တာဝန်ယူခဲ့တုန်းကလည်း (၂)ပွဲနိုင်၊ (၁)ပွဲသရေရရှိအောင် စွမ်းဆောင်နိုင်ခဲ့ပါတယ်။