ကမ္ဘာပေါ်မှာ ကျောက်ကပ်ရောဂါဖြစ်ပွားသူ သန်း ၈၅၀ ကျော်ရှိနေပါတယ်။ ဆီးချိုသွေးတိုးရောဂါများ အဖြစ်များလာခြင်းက ကျောက်ကပ်ရောဂါ ဖြစ်လာစေပါတယ်။ နေ့စဉ်ပြုမူပုံတွေကို သတိပြုပြီး နာတာရှည်ကျောက်ကပ်ရောဂါ ဖြစ်နိုင်ခြေ လျှော့ချနိုင်ပါတယ်။ အမေရိကန်မှ ဒေါက်တာ ဂျွန်ဗယ်လင်တိုင်းက အသက် ၄၀ နောက်ပိုင်း အမျိုးသမီးတွေရဲ့ ကျောက်ကပ်ကျန်းမာရေး ထိခိုက်စေနိုင်တဲ့ အပြုအမူတွေကို ဖော်ပြထားပါတယ်။ (၁) အိုင်ဗျူပရိုဖန် အသုံးများခြင်း
အကိုက်အခဲပျောက်ဆေးတစ်မျိုးဖြစ်တဲ့ အိုင်ဗျူပရိုဖန်က ကျောက်ကပ်ဆီ သွေးစီးဆင်းမှု လျော့နည်းစေကာ ရေရှည်မှာ ကျောက်ကပ်ထိခိုက်စေသဖြင့် ဆေးကို ပမာဏနည်းနည်းဖြင့် ခဏတာသာ အသုံးပြုသင့်ပါတယ်။
