ဥရောပနှင့် ဆော်ဒီလိဂ် ဘောလုံးပွဲစဉ်ရလဒ်များတွင် လီဗာပူးလ်၊ ဂျူဗင်တပ်စ်နှင့် အယ်လ်ဟီလာအသင်းတို့ အသီးသီးအနိုင်ရရှိ

ပြီးခဲ့သည့်ရက်က ယှဉ်ပြိုင်ကစားခဲ့သော ဘောလုံးပွဲစဉ်ရလဒ်များအရ အင်္ဂလန် FA ဖလား တတိယအဆင့်တွင် လီဗာပူးလ်အသင်းက ဘန်စလေကို ၄-၁ ဂိုးဖြင့် အပြတ်အသတ်အနိုင်ရရှိခဲ့သလို၊ အီတလီစီးရီးအေတွင်လည်း ဂျူဗင်တပ်စ်က ခရီမိုနီဆီကို ၅-၀ ဂိုး၊ ဂျီနိုအာက ကာဂလီယာရီကို ၃-၀ ဂိုးတို့ဖြင့် ဂိုးပြတ်အနိုင်ရရှိခဲ့ကြသည်။ ဆော်ဒီပရိုလိဂ်၏ ထိပ်သီးပွဲစဉ်တွင် အယ်လ်ဟီလာအသင်းက အယ်လ်နာဆာအသင်းကို ၃-၁ ဂိုးဖြင့် အနိုင်ယူကာ အောင်ပွဲခံနိုင်ခဲ့ပြီး အယ်လ်ဟာဇီက အယ်လ်နာမာကို ၃-၂ ဂိုးဖြင့် အနိုင်ရခဲ့သော်လည်း အယ်လ်အစ်တီဖာမှာမူ အယ်လ်ခါလီကို ၁-၂ ဂိုးဖြင့် ရှုံးနိမ့်ခဲ့သည်။ အခြားသော ပွဲစဉ်ရလဒ်များအနေဖြင့် လာလီဂါတွင် ဆယ်လ်တာဗီဂိုက ဆီဗီလာကို ၁-၀ ဂိုးဖြင့် အနိုင်ရခဲ့ပြီး ပြင်သစ်ဖလားပွဲစဉ်တွင်မူ PSG အသင်းသည် ပါရီ FC ကို ၁-၀ ဂိုးဖြင့် မထင်မှတ်ဘဲ ရှုံးနိမ့်ကာ ပြိုင်ပွဲမှ ထွက်ခွာခဲ့ရကြောင်း သိရှိရပါသည်။