စင်ကာပူနိုင်ငံ Ang Mo Kio Ave 1 ရှိ Block 222 အနီးတွင် ယနေ့ ဇန်နဝါရီလ ၁၁ ရက်၊ ၂၀၂၆ ခုနှစ် မွန်းတည့်ချိန်ခန့်က သောက်သုံးရေပိုက်လိုင်းတစ်ခု ပေါက်ထွက်မှုဖြစ်ပွားခဲ့ပါတယ်။ အဆိုပါပိုက်ပေါက်မှုကြောင့် ထွက်လာသည့်ရေများသည် အနီးနားရှိ SPC ဓာတ်ဆီဆိုင်အတွင်းသို့ လျှံတက်ဝင်ရောက်ခဲ့ကာ ပတ်ဝန်းကျင်တွင် ရေလွှမ်းမိုးမှုအချို့ ဖြစ်ပေါ်ခဲ့ရပါတယ်။စင်ကာပူရေလုပ်ငန်းအာဏာပိုင်အဖွဲ့ (PUB) ၏ ထုတ်ပြန်ချက်အရ ၎င်းတို့ထံသို့ မွန်းတည့် ၁၂ နာရီဝန်းကျင်တွင် သတင်းပေးပို့ချက် ရောက်ရှိလာခဲ့ခြင်းဖြစ်ပြီး ဝန်ထမ်းများကို ချက်ချင်းစေလွှတ်ကာ ပြင်ဆင်မှုများ လုပ်ဆောင်ခဲ့ပါတယ်။ ထိုရေများသည် အနီးရှိ SPC ဓာတ်ဆီဆိုင်ဆီသို့ ပျံ့နှံ့သွားခဲ့ပြီး ဆိုင်နောက်ဘက်တွင် ရပ်နားထားသည့် ကားအချို့ပါ ရေဝိုင်းခြင်းကို ခံခဲ့ရပါတယ်။အဆိုပါ ရေလျှံမှုကြောင့် Bishan ဘက်သို့ ဦးတည်ထားသည့် Ang Mo Kio Avenue 1 လမ်းမကြီးပေါ်ရှိ လမ်းကြော ၃ ခုလုံးတွင် သွားလာရေး အခက်အခဲဖြစ်ခဲ့ရပြီး ယာဉ်ကြော ထိန်းသိမ်းရန်အတွက် ရဲတပ်ဖွဲ့ဝင်များကိုပါ ဖြန့်ကြက်ချထားခဲ့ရပါတယ်။
