အယ်ကိုဟောနဲ့ အချို့သောဆေးဝါးများ ဓာတ်ပြုရာမှာ အသက်အန္တရာယ် ဖြစ်စေနိုင်တဲ့အကြောင်း ကျွမ်းကျင်သူတွေ သတိပေးလာပါတယ်။ အယ်ကိုဟောက ဗဟိုအာရုံကြောစနစ်ရဲ့ လုပ်ဆောင်ချက်တွေ၊ တုံ့ပြန်ချက်တွေကို နှေးကွေးစေပါတယ်။ ဒေါက်တာ ဘာဘရာစပါရာစီနိုက အိပ်ဆေး၊ အကိုက်အခဲပျောက်ဆေးစတဲ့ ဆေးမျိုးတွေနဲ့ အယ်ကိုဟောကို ရောမသောက်မိဖို့ သတိပေးပါတယ်။ Daily Mail က ဘယ်ဆေးတွေကို အယ်ကိုဟောနဲ့ ရောမသောက်ဖို့ ဆရာဝန်အများအပြားနဲ့ တိုင်ပင်ပြီးနောက် ဖော်ပြထားပါတယ်။ (၁) အကိုက်အခဲပျောက်ဆေးများ ဖြစ်သည့်
အိုင်ဗျူပရိုဖန်၊ နက်ပရိုဇင်၊ အက်စပရင်တို့လို ဆေးတွေက အစာအိမ်အူလမ်းကြောင်း သွေးယိုနိုင်ခြေများပြီးသားဖြစ်ပြီး အယ်ကိုဟောနဲ့ တွဲဖက်လိုက်ပါက ၃၇ ရာခိုင်နှုန်းအထိ မြင့်တက်နိုင်သလို အက်ဆီတာမီနိုဖန်နဲ့ တွဲသောက်မိပါက အသည်းထိခိုက်နိုင်ပါတယ်။
