တရုတ် လူသုံးကုန် လျှပ်စစ်ပစ္စည်း ထုတ်လုပ်ရေးလုပ်ငန်း ဒရီးမ် နည်းပညာကုမ္ပဏီသည် ယခုနှစ် လတ်စ်ဗီးဂတ်စ် မြို့တွင် ကျင်းပသည့် စီအီးအက်စ် ကုန်စည်ပြပွဲ၌ အေအိုင်ထည့်သွင်းထားသော ထုတ်ကုန်သစ် ၂၀ ကျော်ကို မိတ်ဆက်ပြသကာ အနာဂတ်တွင် စမတ်ပစ္စည်းများက အိမ်တွင်းအလုပ်အားလုံးနီးပါးကို လုပ်ဆောင်ပေးမည့် အယူအဆကို ဖော်ညွှန်းခဲ့ကြောင်း သိရသည်။ ကမ္ဘာ့ထိပ်တန်း စက်ရုပ်ဖုန်စုပ်စက် ရောင်းချသူ ငါးဦးအနက် တစ်ဦးဖြစ်သော ဒရီးမ်က ယခုသောကြာနေ့တွင် ပြီးဆုံးမည့် လေးရက်ကြာ ကုန်စည်ပြပွဲ၌ ထုတ်ကုန်ပေါင်း ၁၅၀ ကျော်ကို ခင်းကျင်းပြသခဲ့သည်။
