မြန်မာနိုင်ငံဘောလုံးအဖွဲ့ချုပ် (MFF) နဲ့ အား/ကာ သိပ္ပံတို့ ပူးပေါင်းပြီး ၂၀၂၆ မြန်မာဘောလုံးအကယ်ဒမီများပြိုင်ပွဲကို ပြီးခဲ့တဲ့ဇန်နဝါရီ (၃) ရက်ကစပြီး ရန်ကုန်မြို့မှာ ကျင်းပနေရာ ယခုအခါ ဆီမီးဖိုင်နယ်အဆင့်ကို ရောက်ရှိခဲ့ပြီဖြစ်ပါတယ်။ပြိုင်ပွဲဝင်အသင်း (၈) သင်းကို (၄) သင်း (၂) အုပ်စုခွဲပြီး ပထမအဆင့်အနေနဲ့ ယှဥ်ပြိုင်ကစားစေရာ ဇန်နဝါရီ (၇) ရက် အုပ်စုပွဲများအပြီး အုပ်စု (A) မှာ အမျိုးသားဘောလုံးအကယ်ဒမီ ယူ- ၁၅ အသင်းက ပထမ၊ ISPE (မော်လမြိုင်) အသင်းက ဒုတိယ၊ အုပ်စု (B) မှာ တပ်မတော်အကယ်ဒမီအသင်းက ပထမ၊ မြန်မာဘောလုံးအကယ်ဒမီ ယူ- ၁၅ အသင်းက ဒုတိယ ရပ်တည်နိုင်ခဲ့ပါတယ်။ဆီမိးဖိုင်နယ်ပွဲများကို တစ်ချိန်တည်းအဖြစ် ဇန်နဝါရီ (၉) ရက်၊ မနက် (၇) နာရီခွဲမှာ ကျင်းပမှာဖြစ်ပါတယ်။
