ထိုင်းစစ်သားများက ပြည်သူများ၏အိမ်များကို ​ဖောက်ထွင်းလုယက်သည်ဟု က​မ္ဘောဒီးယားဘက်မှ စွပ်စွဲ

ကမ္ဘောဒီးယား လူ့အခွင့်အရေး ကော်မတီ (CHRC) က ထိုင်းတပ်ဖွဲ့များသည် နယ်စပ် တင်းမာမှုများအတွင်း အရပ်သား နေအိမ်များကို အဓ္ဓမသိမ်းပိုက်ပြီး ပစ္စည်းဥစ္စာများကို ခိုးယူခဲ့သည်ဟု စွပ်စွဲချက်များအပေါ်၊ ထိုင်းဘုရင့်တပ်မတော်က ပြတ်ပြတ်သားသား ငြင်းဆိုလိုက်သည်။ ထိုင်းတပ်မတော်၏ ရှင်းလင်းချက် ထိုင်းတပ်မတော် ပြောရေးဆိုခွင့်ရှိသူ ဗိုလ်ချုပ် Winthai Suvaree က ဇန်နဝါရီ ၆ ရက်နေ့တွင် အောက်ပါအတိုင်း ရှင်းလင်း ပြောကြားခဲ့သည်။ စစ်ဆင်ရေး အားလုံးသည် ထိုင်းအချုပ်အခြာအာဏာ ပိုင်နက်အတွင်း တရားမဝင် ကျူးကျော်ဝင်ရောက်လာသော နေရာများ၌သာ တိကျစွာ ဆောင်ရွက်ခဲ့ခြင်း ဖြစ်သည်။ တရားမဝင် ဆောက်လုပ်ထားသော အဆောက်အအုံများကို စစ်ရေးအရ အသုံးပြုခြင်း သို့မဟုတ် အမျိုးသား လုံခြုံရေးကို ခြိမ်းခြောက်ခြင်းမှ ကာကွယ်ရန် ဖျက်သိမ်းခဲ့ရခြင်း ဖြစ်သည်။