ကမ္ဘာ့ရွှေဈေးဟာ ဒီဇင်ဘာလလယ်ပိုင်းကစလို့ ဒီဇင်ဘာလ(၂၆)ရက်အထိ တရိပ်ရိပ်တက်လာပြီး တစ်အောင်စကို ကန် ဒေါ်လာ(၄,၅၀၀)ကျော်အထိတက်ခဲ့ပါတယ်။ဒီဇင်ဘာလ(၂၇)ရက်နောက်ပိုင်းမှာတော့ ရွှေဈေးတရိပ်ရိပ်ပြန်ထိုးကျလာပြီး အခုဇန်နဝါရီ(၂)ရက်မှာတော့ (၄,၃၀၀)ဝန်းကျင် ခန့်သာရှိတော့တာဖြစ်ပါတယ်။အဲဒီ့လို ကမ္ဘာ့ရွှေဈေးတွေပြန်ကျလာပေမယ့် မြန်မာ့ရွှေဈေးကတော့ ပြင်ပပေါက်ဈေး သိန်း(၈၀)ကျော်ကနေသိန်း(၉၀) ကျော်အထိတက်ခဲ့ပြီး လက်ရှိအချိန်အထိ (၉၂)သိန်းခန့်ရှိနေဆဲ ဖြစ်ပြီး ရည်ညွှန်းဈေးသိန်း(၆၀) သတ်မှတ်ထားပြီး ရည်ညွှန်းဈေးအတိုင်းရောင်းဖို့ YGEA ရန်ကုန်တိုင်းရွှေလုပ်ငန်းရှင်များအသင်းမှ တိုက်တွန်းထားပါတယ်။
