ကလောမြို့ မောမြေဦးပန်းခြံ၌ ပထမအကြိမ် ပန်းပွဲတော်ကို ဇန်နဝါရီ ၁၅ ရက်ထိ အခမဲ့ဝင်ရောက်လည်ပတ်နိုင်

ရှမ်းပြည်နယ်၊ ကလောမြို့ရှိ မောမြေဦးပန်းခြံတွင် ခရီးသွားကဏ္ဍဖွံ့ဖြိုးတိုးတက်စေရန် ရည်ရွယ်၍ ပထမအကြိမ် ပန်းပွဲတော်ကို ၂၀၂၆ ခုနှစ်၊ ဇန်နဝါရီလ ၁ ရက် နံနက်ပိုင်းမှ စတင်၍ ကျင်းပလျက်ရှိသည်။အဆိုပါပွဲတော်တွင် ပြည်တွင်းပြည်ပ ပန်းမျိုးစိတ်များ၊ သစ်ခွဥယျာဉ်နှင့် ပန်းအလှဆင်မြေယာရှုခင်းများကို ခင်းကျင်းပြသထားသည့်အပြင် လာရောက်လည်ပတ်သူများအတွက် စာကြည့်တိုက်၊ ဓာတ်ပုံရိုက်ကူးရန်နေရာများ၊ အားကစားကွင်းနှင့် ကလေးကစားကွင်းများကိုလည်း ထည့်သွင်းစီစဉ်ထားသည်။ ထို့ပြင် ဒေသထွက်အစားအစာ အရောင်းဆိုင်များလည်း ပါဝင်မည်ဖြစ်ပြီး ပွဲတော်ကို ဇန်နဝါရီလ ၁၅ ရက်နေ့အထိ ဝင်ကြေးအခမဲ့ဖြင့် ကျင်းပသွားမည်ဖြစ်ကြောင်း သိရှိရပါသည်။