တာချီလိတ်မြို့နယ်တွင် ရွေးကောက်ပွဲအပိုင်း (၁) ဆန္ဒမဲရလဒ်များအရ USDP ပါတီကိုယ်စားလှယ်လောင်းများ မဲအသာစီးရရှိနေ

ရှမ်းပြည်နယ် (အရှေ့ပိုင်း)၊ တာချီလိတ်မြို့နယ်၌ ဒီဇင်ဘာလ ၂၈ ရက်က ကျင်းပခဲ့သည့် ရွေးကောက်ပွဲအပိုင်း (၁) ၏ ကနဦးဆန္ဒမဲရလဒ်များအရ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP) မှ ပြည်သူ့လွှတ်တော်ကိုယ်စားလှယ်လောင်း ဦးကျော်ငြိမ်းအောင်၊ အမျိုးသားလွှတ်တော်ကိုယ်စားလှယ်လောင်း ဒေါက်တာကျော်ထွန်း၊ ပြည်နယ်လွှတ်တော်ကိုယ်စားလှယ်လောင်း ဦးစိုင်းအွန်ခမ်းနှင့် ဗမာတိုင်းရင်းသားလူမျိုးကိုယ်စားလှယ်လောင်း ဒေါ်ခင်ထွေးအောင်တို့သည် အခြားနိုင်ငံရေးပါတီများမှ ကိုယ်စားလှယ်လောင်းများထက် မဲရလဒ်အသာစီးရရှိထားကြောင်း ရှမ်းအရှေ့သတင်းမဏ္ဍိုင်၏ ဖော်ပြချက်အရ သိရသည်။