စင်ကာပူ Amoy Street ရှိ စားသောက်ဆိုင်ကို အကျဉ်းထောင်အဖြစ် ဟန်ဆောင်ကာ ငွေလိမ်လည်မှု ဖြစ်ပွား

စင်ကာပူနိုင်ငံသား အသက် ၄၉ နှစ်အရွယ် လေအေးပေးစက် ပြုပြင်ရေးပညာရှင်တစ်ဦးဖြစ်သူ Mr Lin သည် TikTok မှတစ်ဆင့် သိကျွမ်းခဲ့သည့် အမျိုးသမီးတစ်ဦးက သူမကိုယ်သူမ ရင်းနှီးမြှုပ်နှံမှုရှုံးနိမ့်သဖြင့် ဒေါ်လာ ၂၀,၀၀၀ အကြွေးမဆပ်နိုင်ဘဲ Amoy Street ရှိ ဆိုင်ခန်းတစ်ခုအတွင်း အကျဉ်းချခံထားရကာ ပြည့်တန်ဆာအဖြစ် စေခိုင်းခံရတော့မည်ဟု ငိုယိုအကူအညီတောင်းခံမှုကို ယုံကြည်ကာ စုစုပေါင်း စင်ကာပူဒေါ်လာ ၄,၀၀၀ နီးပါး လိမ်လည်ခံခဲ့ရသည်။ ၎င်းအမျိုးသမီးက Mr Lin ကို "အသည်း" ဟု ခေါ်ဆိုကာ ရည်းစားအဖြစ် တွဲမည်ဟု ကတိပေးခဲ့သဖြင့် Mr Lin သည် ဒီဇင်ဘာလ ၂၀ ရက်နှင့် ၂၂ ရက်တို့တွင် နှစ်သုတ်ခွဲကာ ငွေလွှဲပေးခဲ့သော်လည်း နောက်ထပ် ဒေါ်လာ ၃,၀၀၀ ထပ်မံတောင်းခံလာချိန်မှသာ လိမ်လည်ခံရမှန်းသိရှိပြီး ရဲစခန်း၌ တိုင်ချက်ဖွင့်ခဲ့ခြင်း ဖြစ်သည်။ စုံစမ်းစစ်ဆေးမှုများအရ တရားခံများ ပေးပို့ခဲ့သည့် လိပ်စာမှာ အမှန်တကယ်တွင် ပုံမှန်ဖွင့်လှစ်ထားသည့် စားသောက်ဆိုင်တစ်ခုသာ ဖြစ်နေပြီး၊ အွန်လိုင်းပေါ်မှ ချိုသာသော စကားလုံးများနှင့် အကူအညီတောင်းခံမှုများအပေါ် အသိဉာဏ်ဖြင့် ဆင်ခြင်ရန် သတိပေးချက်များ ထွက်ပေါ်လျက်ရှိသည်။