ပဲခူးတိုင်းဒေသကြီး၊ အုတ်တွင်းမြို့နယ်၊ ရန်ကုန်-မန္တလေး အမြန်လမ်းမကြီး မိုင်တိုင်အမှတ် (၁၃၀/၃) အနီးတွင် ဒီဇင်ဘာလ ၂၆ ရက် ညနေ ၃ နာရီခွဲခန့်က ယာဉ်မတော်တဆမှုတစ်ခု ဖြစ်ပွားခဲ့ပြီး ယာဉ်ပေါ်ပါရှိသူ အမျိုးသား ၃ ဦးနှင့် အမျိုးသမီး ၄ ဦး (စုစုပေါင်း ၇ ဦး) စလုံး ထိခိုက်ဒဏ်ရာများ ရရှိခဲ့ကြောင်း သိရသည်။ ဗောဓိကုန်အမြန်လမ်း မီးသတ်စခန်းမှ တပ်ဖွဲ့ဝင်များက သွားရောက်ကယ်ဆယ်ခဲ့ပြီး ဒဏ်ရာရရှိသူများအနက် ၃ ဦးမှာ စိုးရိမ်ရသည့် အခြေအနေတွင်ရှိကာ ၎င်းတို့အား ကမ်းမဲ့လက်များ နှင့် မြတ်သောသူ လူမှုကူညီရေးအသင်းတို့၏ သူနာတင်ယာဉ်များဖြင့် တောင်ငူမြို့နယ် ပြည်သူ့ဆေးရုံကြီးသို့ အရေးပေါ် ပို့ဆောင်ပေးခဲ့ပါသည်။
