မိန်နူးသည် အသင်း၏အနာဂတ်ဖြစ်သဖြင့် အငှားချမည်မဟုတ်ကြောင်း နည်းပြအာမိုရင်မ် အတည်ပြု

မန်ချက်စတာယူနိုက်တက်နည်းပြ အာမိုရင်မ် က လူငယ်ကွင်းလယ်လူ ကိုဘီမိန်နူး သည် အသင်း၏အနာဂတ်အတွက် အလွန်အရေးကြီးသော ကစားသမားဖြစ်သောကြောင့် မည်သည့်အသင်းသို့မျှ ထွက်ခွာခွင့်ပြုမည်မဟုတ်ကြောင်း ထုတ်ဖော်ပြောကြားခဲ့သည်။ အသက် ၂၀ အရွယ်ရှိ မိန်နူးသည် ယခုရာသီတွင် ကစားခွင့်နည်းပါးနေသဖြင့် နာပိုလီအသင်းသို့ အငှားသွားရောက်ကစားရန် ဆန္ဒရှိနေသော်လည်း၊ အသင်းခေါင်းဆောင် ဘရူနိုဖာနန်ဒက်စ် ဒဏ်ရာရရှိသွားချိန်တွင် မိန်နူးအတွက် အခွင့်အရေးများ ရရှိလာတော့မည်ဖြစ်၍ ၎င်းကို အသင်း၌သာ ဆက်လက်ထိန်းသိမ်းထားရန် အာမိုရင်မ်က ဆုံးဖြတ်ခဲ့ခြင်းဖြစ်သည်။