ထိုင်းတောင်ပိုင်းတွင် မိုးသည်းထန်ပြီး ရေကြီးမြေပြိုနိုင်ကြောင်း ပြည်နယ် ၇ ခုကို အထူးသတိပေးချက်ထုတ်ပြန်

ထိုင်းနိုင်ငံတောင်ပိုင်းတွင် အားကောင်းသော အရှေ့မြောက်မုတ်သုံလေကြောင့် ဒီဇင်ဘာလ ၂၅ ရက်မှ ၂၈ ရက်အထိ မိုးသည်းထန်စွာရွာသွန်းပြီး ရုတ်တရက်ရေကြီးခြင်းနှင့် မြေပြိုခြင်းများ ဖြစ်ပေါ်နိုင်သဖြင့် Nakhon Si Thammarat အပါအဝင် တောင်ပိုင်းပြည်နယ် ၇ ခုကို အထူးသတိထားရမည့် (High Alert) အခြေအနေအဖြစ် အာဏာပိုင်များက သတ်မှတ်ထုတ်ပြန်လိုက်သည်။ ကမ်းရိုးတန်းဒေသများတွင် လှိုင်းအမြင့် ၂ မီတာကျော်အထိ ရှိနိုင်သဖြင့် လှေငယ်များ ကမ်းနီးတွင်သာ နေကြရန်နှင့် ပြည်သူများအနေဖြင့် "Thai Disaster Alert" App မှတစ်ဆင့် သတင်းအချက်အလက်များကို စောင့်ကြည့်ကာ အရေးပေါ်အကူအညီလိုအပ်ပါက Hotline 1784 သို့ ဆက်သွယ်ရန် တိုက်တွန်းထားပြီး၊ ပြီးခဲ့သည့်လက လူ ၂၇၀ ကျော် သေဆုံးခဲ့ရသည့် ရေကြီးမှုမျိုး ထပ်မံမဖြစ်ပွားစေရန် ကြိုတင်ပြင်ဆင်မှုများ ဆောင်ရွက်လျက်ရှိကြောင်း သိရသည်။