၂၀၃၆ ခုနှစ်တွင် လပေါ်၌ ဓာတ်အားပေးစက်ရုံ တည်ဆောက်ရန် ရုရှားစီမံကိန်းရေးဆွဲ

ရုရှားနိုင်ငံတော် အာကာသကော်ပိုရေးရှင်း (Roscosmos) သည် လကမ္ဘာစူးစမ်းလေ့လာရေး ရေရှည်စီမံကိန်း၏ အစိတ်အပိုင်းတစ်ရပ်အဖြစ် ၂၀၃၆ ခုနှစ်တွင် အပြီးသတ်မည့် လကမ္ဘာဓာတ်အားပေးစက်ရုံ တည်ဆောက်ရန် လာဗော့ကင် (Lavochkin) အဖွဲ့နှင့် စာချုပ်ချုပ်ဆိုခဲ့ကြောင်း ဗုဒ္ဓဟူးနေ့တွင် ထုတ်ဖော်ပြောကြားခဲ့သည်။ အဆိုပါစက်ရုံသည် ရုရှား၏ လပတ်ယာဉ်များနှင့် နက္ခတ်တာရာကြည့်စခန်းများအတွက်သာမက နိုင်ငံတကာ လသုတေသနစခန်းများအတွက်ပါ ရေရှည်စွမ်းအင် ပံ့ပိုးပေးမည်ဖြစ်ပြီး၊ ဤစီမံကိန်းသည် တစ်ကြိမ်တစ်ခါသွားသော မစ်ရှင်များမှသည် အမြဲတမ်းလည်ပတ်နေမည့် လကမ္ဘာသိပ္ပံစခန်းတစ်ခု တည်ထောင်ရေးဆီသို့ ကူးပြောင်းမည့် အရေးပါသော ခြေလှမ်းတစ်ခုဖြစ်ကြောင်း သိရသည်။