ပူတင်က ကင်မ်ဂျုံအန်ထံ နှစ်သစ်ကူးသဝဏ်လွှာပေးပို့ကာ နှစ်နိုင်ငံဆက်ဆံရေးကို ချီးကျူး

ရုရှားသမ္မတ ဗလာဒီမာပူတင်သည် မြောက်ကိုရီးယားခေါင်းဆောင် ကင်မ်ဂျုံအန်ထံသို့ ၂၀၂၅ ခုနှစ် နှစ်သစ်ကူးသဝဏ်လွှာ ပေးပို့ခဲ့ပြီး လာမည့်နှစ်သည် နှစ်နိုင်ငံဆက်ဆံရေးအတွက် အထူးအဓိပ္ပာယ်ရှိသောနှစ်ဖြစ်ကြောင်း ဖော်ပြခဲ့သည်။ ပူတင်၏ သဝဏ်လွှာတွင် ရုရှားနိုင်ငံ ကာ့စ်ခ် (Kursk) ဒေသ၌ ဖြစ်ပွားနေသည့် စစ်ပွဲအတွင်း မြောက်ကိုရီးယားစစ်သားများ၏ ပါဝင်ကူညီမှုကို "သူရဲကောင်းပီသသော လုပ်ရပ်" အဖြစ် ချီးကျူးပြောဆိုခဲ့ပြီး၊ ၎င်းသည် နှစ်နိုင်ငံအကြား ထာဝရခိုင်မြဲသော မဟာမိတ်ဆက်ဆံရေးကို သက်သေပြလိုက်ခြင်းဖြစ်ကြောင်း အလေးပေးဖော်ပြထားသည်ဟု မြောက်ကိုရီးယားအစိုးရပိုင် KCNA သတင်းဌာနက ထုတ်ပြန်ခဲ့သည်။