ရက္ခိုင်ပြည်၊ ဘူးသီးတောင်မြို့တွင် ပေါ့ဆမီးကြောင့် ဈေးဆိုင်ခန်း ၃၀ နီးပါး မီးလောင်ပြာကျခဲ့ပြီး စုစုပေါင်း ကာလတန်ဖိုး ကျပ်သိန်း ၁၀၀၀ ကျော်ဖိုး ဆုံးရှုံးသွားခဲ့ကြောင်း တွေ့ရှိရသည်။ဖြစ်စဉ်မှာ ဒီဇင်ဘာလ ၁၉ ရက်နေ့၊ ည ၉ နာရီ ၅၀ မိနစ် ခန့်တွင် ဘူးသီးတောင်မြို့၊ ပန်ဇင်းချောင်းတံတား အရှေ့ဘက်လမ်းမ၊ မြောက်ဘက်အခြမ်းရှိ ရှာနီကိုမာ၏ ပန်းပဲဆိုင် တစ်ခုမှတစ်ဆင့် မီးစတင်လောင်ကျွမ်းခဲ့ခြင်းဖြစ်သည်။အဆိုပါ မီးလောင်မှုကြောင့် ဆိုင်ခန်းအမှတ် ၁၈ မှ ၄၈ အထိ ကူးစက်လောင်ကျွမ်းခဲ့ရာ စုစုပေါင်း ဆိုင်ခန်း ၂၈ ခန်း မီးလောင်ပြာကျ ခဲ့ရသည်။ ၎င်းဆိုင်ခန်းများအနက် ၆ ဆိုင်မှာ လက်ရှိဖွင့်လှစ်ရောင်းချနေသည့် ဆိုင်များဖြစ်ပြီး ကျန် ၂၂ ဆိုင်မှာ ပိတ်ထားသည့် ဆိုင်ခန်းများဖြစ်ကြောင်း သိရသည်။
