ဂန္ထဝင်တိုက်စစ်မှူး အီဘရာဟီမိုဗစ်၏ သားအငယ် ဗင်းဆင့် အေစီမီလန်အသင်းနှင့် ပရော်ဖက်ရှင်နယ်စာချုပ် ချုပ်ဆို

ဆွီဒင်ဂန္ထဝင်ကစားသမား ဇလာတန်အီဘရာဟီမိုဗစ်၏ သားအငယ်ဖြစ်သူ အသက် ၁၇ နှစ်အရွယ် ဗင်းဆင့်အီဘရာဟီမိုဗစ်သည် ဖခင်ဖြစ်သူ ကစားသမားဘဝအဆုံးသတ်ခဲ့သည့် အေစီမီလန်အသင်းနှင့် ပထမဆုံးအကြိမ် ပရော်ဖက်ရှင်နယ်စာချုပ် ချုပ်ဆိုလိုက်ပြီဖြစ်သည်။ ကွင်းလယ်ခံစစ်ကစားသမားတစ်ဦးဖြစ်သည့် ဗင်းဆင့်သည် ပြီးခဲ့သည့်အောက်တိုဘာလကတည်းက အေစီမီလန် ယူ-၁၈ အသင်းတွင် ပါဝင်ကစားနေသူဖြစ်ပြီး၊ ၎င်း၏အစ်ကိုဖြစ်သူ မက်ဆီမီလီယန်မှာလည်း အေစီမီလန်အရန်အသင်းနှင့် ဆွီဒင် ယူ-၁၉ အသင်းတို့တွင် တိုက်စစ်မှူးအဖြစ် ကစားလျက်ရှိသည်။ လက်ရှိတွင် အီဘရာဟီမိုဗစ်သည် အေစီမီလန်အသင်းပိုင်ရှင်များ၏ အကြီးတန်းအကြံပေးအဖြစ် တာဝန်ယူနေချိန်တွင် ၎င်း၏သားနှစ်ဦးစလုံးမှာ ဖခင်၏ခြေရာကိုနင်းကာ အေစီမီလန်အသင်း၌ပင် အသက်မွေးဝမ်းကျောင်း ဘောလုံးသမားဘဝကို စတင်နေခြင်းဖြစ်ကြောင်း သိရသည်။