ဒီဇင်ဘာလ ၁၉ ရက်နေ့မှစတင်ပြီး ပြင်ဦးလွင်-ဂုတ်ထိပ်မီးရထားခရီးစဉ်အား ပြန်လည်ပြေးဆွဲပေးသွားမည်ဖြစ်ကြောင်း ပို့ဆောင်ရေးနှင့်ဆက်သွယ်ရေးဝန်ကြီးဌာန မြန်မာ့မီးရထားမှသိရသည်။အဆိုပါ ခရီးစဉ်ကို အပတ်စဉ် စနေ တနင်္ဂနွေနေ့တို့တွင် ပြေးဆွဲပေးသွားမည်ဖြစ်ပြီး ပြည်တွင်းပြည်ပခရီးသွားများအား သမိုင်းဝင်ဂုတ်ထိပ်တံတားကြီးကို လေ့လာကြည့်ရှုနိုင်ရန်၊ မန္တလေး-လားရှိုးမီးရထားလမ်းပိုင်းရှိ ရေမြေတောတောင်သဘာဝရှုခင်းများအား လေ့လာကြည့်ရှုနိုင်ရန်၊ ရှမ်းပြည်နယ်အတွင်းရှိဒေသခံပြည်သူများနှင့် ချစ်ကြည်ရင်းနှီးမှုရရှိစေရန်နှင့် ဒေသန္တရဗဟုသုတများရရှိစေရန် ရည်ရွယ်ထားပါတယ်။
