၂၀၂၅ဆီးဂိမ်း ရိုးရာလှေ အမျိုးသမီးမီတာ(၂၀၀) ဆယ်တက်လှော်ပွဲစဉ်တွင် မြန်မာဆုတံဆိပ်လွဲချော်ခဲ့

ထိုင်းနိုင်ငံတွင် ကျင်းပနေသော (၃၃)ကြိမ်မြောက် အရှေ့တောင်အာရှအားကစားပြိုင်ပွဲ၊ ရိုးရာလှေအားကစားနည်း၏ အမျိုးသမီးမီတာ(၂၀၀)ဆယ်တက်လှော်ပွဲစဉ်တွင် ဗီယက်နမ်က နှစ်ကျော့ပေါင်းရလဒ် စံချိန် (01:44.530) ဖြင့် ရွှေတံဆိပ်၊ အင်ဒိုနီးရှားက (01:44.908) ဖြင့် ငွေတံဆိပ်၊ အိမ်ရှင်ထိုင်းက (01:45.465) ဖြင့် ကြေးတံဆိပ်ရရှိခဲ့သည်။ မြန်မာအသင်းမှာ (01:47.089) ဖြင့် စတုတ္ထနေရာမှ ပန်းဝင်ခဲ့သည်။