စစ်ကိုင်းတိုင်း၊မုံရွာ ချောင်းဦးမှာ နယ်မြေမတည်ငြိမ်မှုများကြောင့် ဒေသခံ သောင်းချီ ထွက်ပြေးနေရကာ စားနပ်ရိက္ခာနှင့် စောင်များအရေးပေါ် လိုအပ်နေ

စစ်ကိုင်းတိုင်း၊ မုံရွာခရိုင်၊ ချောင်းဦးမြို့နယ်ထဲက ဒေသခံပြည်သူ ၂၀,၀၀၀ နီးပါး နယ်မြေ ပဋိပက္ခများကြောင့် ထွက်ပြေးနေရပြီး စားနပ်ရိက္ခာအပြင် ရာသီဥတု အေးဒဏ်ကြောင့် စောင်တွေ အရေးပေါ် လိုအပ်နေတယ်လို့ ဒေသခံသတင်းရင်းမြစ်တွေစီကသိရပါသည်။ထို့အပြင် နာတာရှည်ရောဂါရှိသူတွေ၊ သက်ကြီးရွယ်အိုနဲ့ ကလေးသူငယ်တွေ အတွက်လည်း ကျန်းမာရေး စောင့်ရှောက်မှု လိုအပ်နေတယ်လို့ ဆိုပါတယ်။